azatutyun.am: Մայա Սանդուն երդմնակալությամբ երկրորդ անգամ ստանձնեց Մոլդովայի նախագահի պաշտոնը՝ դառնալով երկրի առաջին նախագահը, ով ընտրվել է երկու անգամ անընդմեջ:
«Չորս տարի առաջ մենք խոստացել էինք լավ ժամանակներ։ Դա անկեղծ խոստում էր, բայց ժամանակները դժվարին ու բուռն էին։ Մոլդովան հայտնվել է տարածաշրջանային և համաշխարհային ճգնաժամի կենտրոնում. համաճարակին հաջորդեցին գների աճը, էներգետիկ ճգնաժամը, գազային շանտաժը, իսկ այժմ՝ մթության շանտաժը։ Բայց այս բոլոր ճգնաժամերը ստվերում են մնում մեր սահմանին ընթացող դաժան պատերազմի ֆոնին», – հայտարարեց Սանդուն:
Այս աշնանը երկու փուլով անցկացված նախագահական ընտրությունների հաղթող եվրոպամետ Մայա Սանդուն կշարունակի ղեկավարել Մոլդովան առաջիկա չորս տարիներին:
