Հունաստանի պաշտպանության նախարար Նիկոլաոս Դենդիասի գլխավորած պատվիրակությունը ժամանեց Հայաստան։

Նա պաշտոնական այցով է Երևանում՝ Հայաստանի պաշտպանության նախարար Սուրեն Պապիկյանի հրավերով։

Հայաստանի ռազմական գերատեսչությունն այցից մանրամասներ դեռ չի հաղորդում։

Ավելի վաղ Հունաստանում Հայաստանի դեսպան Տիգրան Մկրտչյանն ասել էր, որ Դենդիասի այցը նոր լիցք կհաղորդի ռազմական ոլորտում երկու երկրների ընդլայնվող համագործակցությանը։