«Վաղը վերսկսվում է ուսումնական գործընթացը: Սկսվելու են դպրոցների երկրորդ կիսամյակի պարապմունքները:

 

Հայաստանից Արցախ դեպի տուն տանող ճանապարհը փակ լինելու պատճառով՝ արցախցի բազմաթիվ երեխաներ ստիպված կլինեն իրենց ուսումը շարունակել Հայաստանի տարբեր դպրոցներում՝ իրենց ընտանիքներից, ուսուցիչներից, դասընկերներից հեռու: Այո, դժվար իրավիճակում ենք հայտնվել և պարտավոր ենք միասին հաղթահարել բոլոր խաչընդոտները՝ յուրաքանչյուրս մեր տեղում անելով մեզնից կախված գերագույնը:

 

Հուսով ենք, որ այս մղձավանջը շուտով կավարտվի, կվերականգնվեն մեր երեխաների ոտնահարված իրավունքները և բոլոր երեխաները կհասնեն իրեց ծնողներին»,- ֆեյսբուքյան իր էջում գրել է Գյանջումյանը։

 

Շրջափակման պատճառով Հայաստանից ամեն օր 400 տոննա սննդամթերք ու դեղորայք հնարավոր չի լինում հասցնել Արցախ, ինչի հետևանքով առկա է սննդի, դեղորայքի պակաս:

350 հիվանդ չի կարողանում բուժում ստանալ Հայաստանում: 13 երեխա գտնվում է նորածնային և վերակենդանացման բաժանմունքներում, 13 բուժառու՝ վերակենդանացման բաժանմունքում․ 6-ը ծայրահեղ ծանր վիճակում են։ Այս օրերի ընթացքում շտապ բուժօգնության կարիք ունեցող 13 հայ և 4 օտարերկրացի է միայն Կարմիր խաչի միջնորդությամբ տեղափոխվել Հայաստան, իսկ Արցախում բուժօգնության կարիք ունեցող և ծանր վիճակում գտնվող հիվանդներից մեկը մահացել է: