Իրանական զլմ-ները հաղորդում են, որ այս գիշեր երկրում պայթյուններ են եղել, այդ թվում՝ Սպահանի ռազմական պահեստում, Ազերշեխրի նավթաքիմիական գործարանում։
Նշվում է անօդաչու թռչող սարքերով հարձակման մասին։
Մամուլում տարածվում են չհաստատված տեղեկությունները, որ պայթյունների հետեւում Իսրայելն է կանգնած։ Նման եզրակացությունները հիմնվում են Նեթանյահուի արած հայտարարության վրա։
Սակայն պաշտոնական աղբյուրներում չհաջողվեց գտնել հրապարակում այն մասին, որ Թեհրանը նման մեղադրանք է հնչեցրել, իսկ Երուսաղեմը՝ հաստատել իր կապը տեղի ունեցածի հետ։
