tert.am: Փետրվարի 16-ին Մյունխենում հանդիպել են Ադրբեջանի նախագահ Իլհամ Ալիևը և Թուրքիայի արտաքին գործերի նախարար Հաքան Ֆիդանը։

Այս մասին հայտնում են ադրբեջանական լրատվականները։

Զրույցի ընթացքում ևս մեկ անգամ ընդգծվել է, որ Թուրքիայի և Ադրբեջանի միջև բարեկամական և եղբայրական հարաբերությունները զարգանում են բոլոր ոլորտներում, և վստահություն է արտահայտվել համագործակցության հետագա ընդլայնման հարցում։

Կողմերը քննարկել են Երևանի և Բաքվի միջև խաղաղության պայմանագրի շուրջ բանակցությունները և տարածաշրջանային հարցեր։