aysor.am: Ադրբեջանի ՄԻՊ ներկայացուցիչները տեսակցել են օրեր առաջ ադրբեջանցի զինծառայողների կողմից գերեվարված պահեստազորային զինծառայող Գագիկ Ոսկանյանին։
Հիշեցնենք, որ Ադրբեջանի ՊՆ-ն հայտնել էր, որ Ոսկանյանը եղել է վիրավոր։
Ոսկանյանը ձերբակալվել էր օգոստոսի 16-ին։
ՀՀ պաշտպանության նախարարությունը ներկայացրել էր տեսանյութ, որտեղ երևում է՝ ինչպես են Ադրբեջանի ԶՈՒ մի խումբ զինծառայողներ մոտենում դեռևս չպարզված հանգամանքներում ադրբեջանական կողմում հայտնված պահեստազորային Գ. Ո.-ին, նախ զրուցում նրա հետ, ապա ձերբակալում և մեքենայով տեղափոխում անհայտ ուղղությամբ: Սույն տեսանյութը հերքում է Ադրբեջանի ՊՆ տարածած կեղծիքը, ըստ որի սահմանագոտու արևելյան ուղղությամբ ՀՀ ԶՈՒ դիվերսիոն խումբ է փորձել ներթափանցել, և որի «գործողությունները հաջողվել է կասեցնել կրակային աջակցմամբ»: Քննվում է Գ. Ո.-ի՝ տեղանքում չկողմնորոշվելու, ադրբեջանական կողմում հայտնվելու բոլոր հանգամանքները։
