Կանադահայ իրավապաշտպան, «Կանանց ռեսուրսային կենտրոն» հասարակական կազմակերպության հիմնադիր և համանախագահ:
Ծնվել է 1972թ․ սեպտեմբերի 7-ին։ 1990թ. ներգաղթել է Կանադա: Այնտեղ ավարտել է Կոնկորդիա համալսարանի Համեմատական գրականության /մագիստրոսի կոչումով/ և Մոնրեալի համալսարանի Մանկավարժական հոգեբանության բաժինները: 1995–1997թթ. աշխատել է որպես մանկավարժ–հոգեբան Մոնրեալ քաղաքում` անչափահասների կալանքի բարձր անվտագության հաստատությունում:
1998–2002թթ. դասախոսել է Կոնկորդիա համալսարանում՝ ֆրանսերեն լեզվի բաժնում: Տեղափոխվել է Հայաստան 2003թ. և հիմնել «Կանանց ռեսուրսային կենտրոն» ՀԿ-ն, որտեղ զբաղեցնում է համահիմնադրի պաշտոնը:
