Ամոջ գյուղը գտնվում է Լոռու մարզի հյուսիս-արևելյան բարձրադիր սարահարթի վրա՝ Օձուն գյուղից 1 կիլոմետր հյուսիս-արևելք: Գյուղի մասին հիշատակություններ գալիս են դեռևս 13-րդ դարից:
Գյուղի հին կամ այլանվանումների շարքում հիշատակվում է Ամվոճ, Ամաջա, Ամորջի: 2019 թվականի հունվարի 1-ի դրությամբ գյուղի փաստացի բնակչությունը կազմել է 161 մարդ: Վարչական տարածքը կազմում է 97 հա: Խորհրդային կարգերի հաստատումից հետո Ամոջ գյուղը Օձունի գյուղխորհրդի կազմում է եղել:
