Ալեքսանդր Քանանյանը հասարակական-քաղաքական գործիչ է։ 2001 թվականին հաստատվել է Հայաստանում՝ Քարվաճառ քաղաքում։ «Իրական» դպրոցի շրջանակներում դասավանդում է գրաբար։
Ծնվել է 1974 թվականի սեպտեմբերի 11-ին Թբիլիսիում, որտեղ եւ մեծացել է։ Ավարտել է Թբիլիսիի թիվ 56 ռուսական դպրոցը։
2020 թվականի հունվարի 21-ին հայտարարարել է հացադուլ՝ Արցախի Շահումյանի շրջանի Քարվաճառ քաղաքում փոքր ՀԷԿ-երի ընթացող շինարարական աշխատանքները դադարեցնելու պահանջով։ Հունվարի 27-ից Ստեփանակերտի բնակիչ Մհեր Պողոսյանն էլ է հայտարարել հացադուլի մասին Ալեքսանդր Քանանյանին սատարելու նպատակով։ Հացադուլը պաշտոնապես ավարտվել է 2020 թվականի փետրվարի 4-ին, ինչի մասին հայտարարվել է Ալեքսանդր Քանանյանի ֆեյսբուքյան կայքէջում։
