Լիդիան Ինթերնեյշնլը բաց բաժնետիրական ընկերություն է, որը ցուցակված է Տորոնտոյի ֆոնդային բորսայում։ Լիդիան Ինթերնեյշնլը երկրաբանահետախուզական եւ հանքարդյունաբերական ընկերություն է, որը կենտրոնացած է Ամուլսարի հանքավայրը շահագործելու ուղղությամբ։ Լիդիանը ունի նաեւ Վրաստանում ոսկու հետախուզական «Քելա» նախագիծ, բայց այս պահին այն գտնվում է սառեցված վիճակում։ Լիդիան Ինթերնեյշնլը Հայաստանում իր գործունեությունը իրականացնում է իր դուստր Լիդիան Արմենիա ընկերության միջոցով։
«Լիդիան Ինթերնեյշնլ» ընկերության բաժնետերեր կամ ֆինանսական աջակիցներ են Միջազգային ֆինանսական կորպորացիան, Վերակառուցման եւ զարգացման եվրոպական բանկը, Հայկական բարեգործական ընդհանուր միությունը, «Հայաստանի Զարգացման Նախաձեռնություններ» հիմնադրամը, Ամերիաբանկը, Հայաստանի նախագահ Արմեն Սարգսյանը, գործարար Ռուբեն Վարդանյանը, ձեռնարկատեր Նուբար Աֆեյանը, բանկիր, Արցախ ՀԷԿ-ի սեփականատեր, խոշոր բիզնեսմեն Ժոզեֆ Ուղուրլյանը, Վահան Քոլոլյանը եւ այլ ընկերություններ եւ անհատներ:
