Գառնու հեթանոսական տաճարը հին հայկական հեթանոսական տաճար է Կոտայքի մարզի համանուն գյուղում՝ Ազատ գետի աջ ափին։ Հայաստանի պատմության եւ մշակույթի անշարժ հուշարձան է։ Ըստ ավանդության՝ Մովսես Խորենացին Գառնու հիմնադրումը վերագրում է Հայկ նահապետի ծոռ Գեղամին, որի թոռան՝ Գառնիկի անունով էլ, իբրեւ, կոչվել է Գառնի։
Համանուն գյուղը գտնվում է Հրազդանից 63 կմ հարավ, Երեւան քաղաքից 28 կմ հեռավորության վրա։ Ազատ գետի աջ ափին է։ 1225 թ-ին այստեղ է տեղի ունեցել Գառնու ճակատամարտը։ Ավերվել է 1679 թ.-ի աղետաբեր երկրաշարժից եւ նորից վերականգնվել է 1828-1829 թթ.-ին՝ Պարսկահայաստանից գաղթած հայերի կողմից։
