ՀՀ կրթության, գիտության, մշակույթի և սպորտի նախարարի նախկին տեղակալ, Հովհաննես Թումանյանի թանգարանի նախկին տնօրեն։
Ծնվել է 1962 թվականի փետրվարի 16-ին Երևանում։ 1979 թ․ ավարտել է Երևանի թիվ 78 միջնակարգ դպրոցը, 1985 թ․՝ ԵՊՀ բանասիրության ֆակուլտետի ժուռնալիստիկայի բաժինը։ 2003թ. ավարտել է Հայաստանի ամերիկյան համալսարանի «Կանանց ձեռներեցություն» դասընթացը: 1982-2007թթ. աշխատել է հեռուստատեսության ոլորտում:
2007-2019թթ.՝ ՀՀ մշակույթի նախարարության «Հովհ. Թումանյանի թանգարան» ՊՈԱԿ-ի տնօրեն: 2018թ. դարձել է ՀՀ հանրային խորհրդի անդամ։ 2018թ. դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի համապետական ընտրական ցուցակով: 2019թ. հունիսի 11-ին ՀՀ վարչապետի հրամանով նշանակվել է կրթության, գիտության, մշակույթի և սպորտի նախարարի տեղակալ։ 2021-ի հունվարի 20-ին ազատվել է զբաղեցրած պաշտոնից։
