azatutyun.am: Ադրբեջանի խորհրդարանի նախագահ Սահիբա Գաֆարովան այսօրվա նիստում նշել է, թե Հայաստանի հետ խաղաղության պայմանագրի ստորագրումը հիմա ավելի իրատեսական է դարձել:
Նիստին ներկա պատգամավորները «տեղական հակաահաբեկչական օպերացիան» գնահատել են որպես պատմական հաղթանակ և առաջարկել են պարգևատրել նախագահ Իլհամ Ալիևին:
Միլլի Մեջլիսի խոսնակ Սահիբա Գաֆարովան նշել է, թե Հարավային Կովկասում կայունության շրջանը մոտ է, ապա սպառնալիք է հնչեցրել:
«Նրանք, ովքեր մեզ թարս են նայում, հավակնություններ ունեն մեր հողերի նկատմամբ, նրանք, ովքեր չեն կարողանում մարսել մեր հաջողությունը, երբեք չպետք է մոռանան, որ կա երկաթե բռունցք»,- սպառնացել է խոսնակը:
