aysor.am։ Երևանի ընդհանուր իրավասության դատարանի Ավան և Նոր Նորք նստավայրի դիմաց շարունակվում է բողոքի ակցիան՝ ընդդեմ ու հանուն ՀՀ երկրորդ նախագահ Ռոբերտ Քոչարյանի։
Դատարանի բակում է նաև Մարտի մեկի զոհերից Գոռ Քլոյանի հայրը՝ Սարգիս Քլոյանը։
Լրագրողները հետաքրքրվեցին, թե ինչ նպատակով է եկել, վերջինս պատասխանեց, որ բաց դատավարություն է ու եկել է նիստին։
«Արդարությունը թող հաղթի», – ասաց նա։
Հարցին, թե ինչո՞ւ է ցանկանում հանդիպել Ռոբերտ Քոչարյանի որդու հետ, Սարգիս Քլոյանը պատասխանեց. «Ինչո՞ւ, որ ասեմ Աստված պահի Քոչարյանի բալեն, ո՞նց էր համը իմ ձագի, դա եմ ուզում ասել իրեն»։
