azatutyun.am: Թեհրանն ու Վաշինգտոնը նախնական պայմանավորվածություններ են ձեռք բերել կալանավորների փոխանակման վերաբերյալ, հայտարարել է Իրանի արտգործնախարար Հոսեյն Ամիր Աբդոլլահիանը։

Նա նշել է, որ եթե որևէ խոչընդոտ չլինի, փոխանակումը տեղի կունենա մոտ օրերս, փոխանցում է Mehr-ը։

Իրանի դատական համակարգի ղեկավարի միջազգային հարցերով տեղակալ Ալի Բաղերիի խոսքով՝ ԱՄՆ իշխանությունները պահում են Իրանի շուրջ 15 քաղաքացիների, ովքեր մեղադրվում են ԱՄՆ պատժամիջոցները շրջանցելու փորձի մեջ։