news.am: Իրանը կմիանա Ռուսաստանի, Սիրիայի, Թուրքիայի բանակցություններին եւ Սիրիայի եւ Թուրքիայի միջեւ հարաբերությունների կարգավորմանը։ Այս մասին հինգշաբթի Իսլամական հեղափոխության 44-րդ տարեդարձի կապակցությամբ կազմակերպված ընդունելության ժամանակ ՏԱՍՍ-ին հայտնել է Մոսկվայում Իրանի դեսպան Քազեմ Ջալալին։

Ինչ վերաբերում է Իրանի արտգործնախարար Հուսեյն Էմիր Աբդոլլահիանի այցին, Թեհրանը դեռ պետք է որոշի ժամկետները։

Նշենք, որ 2022 թվականի վերջին Մոսկվայում բանակցություններ են տեղի ունեցել Ռուսաստանի, Սիրիայի եւ Թուրքիայի պաշտպանության նախարարների միջեւ՝ կապված սիրիական ճգնաժամի կարգավորման հետ։