2023 թ․-ից նվազագույն ամսական աշխատավարձը կսահմանվի 75.000 դրամ՝ 68.000 դրամի փոխարեն։

Ազգային ժողովն այսօր երկրորդ ընթերցմամբ և ամբողջությամբ ընդունեց Կառավարության ներկայացրած «Նվազագույն ամսական աշխատավարձի մասին» օրենքում փոփոխություններ կատարելու և «ՀՀ աշխատանքային օրենսգրքում փոփոխություններ և լրացում կատարելու մասին» օրենքների նախագծերի փաթեթը։ 

Հաշվարկային հիմքում ընկած է երկրի սոցիալ-տնտեսական իրավիճակի գնահատումներն ու մակրոտնտեսական ցուցանիշները:

Առաջինից երկրորդ ընթերցման ընթացքում օրինագծում կատարվել են միայն խմբագրական բնույթի փոփոխություններ։ Նախագիծն ընդունվեց 65 կողմ, 27 ձեռնպահ ձայներով։