azatutyun.am: «Հեզբոլլահ»-ի պաշտոնյան այսօր Բեյրութի հարավային շրջանի վրա իսրայելական հարվածի հետևանքով չորս զոհերից մեկն է: Այս մասին AFP-ի փոխանցմամբ՝ հայտնել են Իսրայելը և «Հեզբոլլահ»-ի աղբյուրը։
Լիբանանի իշխանությունները դատապարտել են հարձակումը, որը տեղի է ունեցել առանց նախազգուշացման։ Երկրի առողջապահության նախարարությունը հայտնել է, որ վերջին հարվածի հետևանքով չորս մարդ է զոհվել, այդ թվում՝ մեկ կին:
«Հեզբոլլահ»-ին մոտ կանգնած աղբյուրը, որը նախընտրել է անանուն մնալ, AFP-ին հայտնել է՝ հարվածի հետևանքով սպանվել է «Հեզբոլլահ»-ի «պաղեստինյան գործերով ղեկավարի տեղակալ» Հասան Բդեյրը, որը հարձակման պահին «տանն էր իր ընտանիքի հետ»:
Լուսանկարը՝ Thomson/Reuters
