ՀՀ էկոնոմիկայի նախարար Գևորգ Պապոյանը փետրվարի 14-ին ընդունել է «Կառուցապատողների հայկական ասոցիացիա» հասարակական կազմակերպության ներկայացուցիչներին։ Հանդիպմանը ներկա է եղել նաև նախարարի տեղակալ Էդգար Զաքարյանը։
Հանդիպման ընթացքում քննարկվել են կառուցապատման շուկայի ֆինանսական զարգացման հեռանկարները, վաճառքի խթանման ուղղությամբ անելիքները, ռենովացիոն ծրագրերի գոտում հնարավոր նոր ֆինանսավորման գործիքների կիրառման հնարավորությունները։
Մտքեր են փոխանակվել կառուցապատման գործունեության օրենքի ընդունման անհրաժեշտության, կառուցապատողների գործունեության կանոնակարգման հիմնավորումների, ռեյտինգավորման ընթացակարգերի ներդրման անհրաժեշտության շուրջ։
Անդրադարձ է կատարվել նաև ՀՀ էկոնոմիկայի նախարարություն-Կառուցապատողների ասոցիացիա-Շինարարների միություն եռակողմ համագործակցության հուշագրի ստորագրմանը։
Պայմանավորվածություն է ձեռք բերվել կառուցապատման միջգերատեսչական աշխատանքային խմբի հանդիպումները անցկացնել պարբերաբար։
