Հայաստանի Ազգային ժողովի «Քաղաքացիական պայմանագիր» խմբակցության պատգամավոր, ԵԽԽՎ հայաստանյան պատվիրակության անդամ Վլադիմիր Վարդանյանն ընտրվել է Եվրոպայի խորհրդի խորհրդարանական վեհաժողովում (ԵԽԽՎ) Եվրոպական ժողովրդական կուսակցության խմբակցության փոխնախագահ։
Այդ մասին «Ֆեյսբուք»-ի իր էջում գրել է Վլադիմիր Վարդանյանը։
«Ընտրվել եմ Եվրոպայի խորհրդի խորհրդարանական վեհաժողովում (ԵԽԽՎ) Եվրոպական ժողովրդական կուսակցության խմբակցության փոխնախագահ»,- գրել է պատգամավորը։
Ավելի վաղ հայտնի էր դարձել, որ ՀՀ ԱԺ «Քաղաքացիական պայմանագիր խմբակցության պատգամավոր Սոնա Ղազարյանը վերընտրվել եմ ԵԽԽՎ-ի Երիտասարդության և ապագայի հասարակության ենթահանձնաժողովի փոխնախագահի պաշտոնում։
ՀՀ ԱԺ «Քաղաքացիական պայմանագիր» խմբակցության պատգամավոր Արուսյակ Ջուլհակյանն էլ ընտրվել է ԵԽԽՎ փոխնախագահի պաշտոնում։
