azatutyun.am: Շաբաթ գիշերը Թեհրանի «Էվին» բանտում հրդեհի հետևանքով 4 մարդ է զոհվել, 61-ը մարմնական վնասվածքներ է ստացել, հաղորդում է Իրանի պետական IRNA լրատվական գործակալությունը:
Արդարադատության մարմինների փոխանցմամբ՝ հրդեհը հաջորդել է բանտի արտադրամասում որոշ բանտարկյալների միջև ընդհարմանը, որը դադարեցնելու համար միջամտել են անվտանգության և առողջապահական ծառայությունների աշխատակիցները: Նրանց օգնությամբ 70 բանտարկյալներ անվտանգ վայր են տեղափոխվել:
Տուժածներից 51-ին բուժօգնություն է ցուցաբերվել տեղում, 10-ը հոսպիտալացվել են:
Միջադեպի ընթացքում որոշ բանտարկյալներ փախուստի անհաջող փորձ են կատարել:
