ՀՀ ներքին գործերի նախարարությունը շուտով հանրային քննարկման է ներկայացնելու նախագծեր, որոնք վերաբերում ենք վարորդական իրավունքներին:
ՆԳՆ-ն հայտնում է, որ այդ նախագծերով շուտով վարորդները պարտավոր չեն լինի իրենց մոտ ունենալ վարորդական իրավունքի վկայական. եթե վարորդի մոտ առկա չէ վարորդական վկայական, սակայն անձն ունի վարելու իրավունք և դա հաստատվում է պարեկային ծառայողի կողմից ծրագրային ստուգմամբ, ապա նա ենթակա չի լինի վարչական պատասխանատվության։
«Վարորդական իրավունք չունեցող անձի կողմից տրանսպորտային միջոց վարելը կքրեականացվի. եթե անձը չունի վարորդական իրավունք, սակայն վարում է տրանսպորտային միջոց՝ դրանով իսկ հայտնվելով մյուս վարորդների համեմատությամբ արտոնյալ կարգավիճակում և վտանգում երթևեկության այլ մասնակիցների կյանքը, ապա նա առաջին անգամ ենթակա կլինի վարչական, ապա՝ քրեական պատասխանատվության»,- ասվում է հաղորդագրության մեջ:
Գերատեսչությունում որոշել էն նաև պարզեցնել երկքաղաքացիություն ունեցող ՀՀ քաղաքացիների համար ՀՀ-ում օտարերկրյա վարորդական վկայականով մեքենա վարելու կարգը։
«Կարգելվի գաղտնի փականով դանակների և համանման առարկաների վաճառքը անչափահասներին»,- հայտնում են ՆԳՆ-ից:
Նախագծերն առաջիկա օրերին կդրվեն շրջանառության մեջ։
