news.am: Վայոց ձորի մարզում այսօր՝ հունիսի 7-ին, «Կամազ» մակնիշի ավտոմեքենայի գլխիվայր շրջվել է, ինչի հետևանքով 11 զինծառայող տեղափոխվել է հիվանդանոց:
ՊՆ-ից հայտնեցին, որ նրանց վիճակը լավ է, կյանքին վտանգ չի սպառնում։
«11 տղաներից միայն մեկը հավանաբար ստացել է երկկողմանի կոտրվածք։ Մնացած տասը տղաները ստացել են թեթև քերծվածքներ և ամենայն հավանականությամբ այսօր դուրս կգրվեն»,- նշեցին ՊՆ-ից։
