Գլխավոր լուսանկարը՝ Ուկրաինայի Գլխավոր շտաբի
Ուկրաինայի Զինված ուժերի Գլխավոր շտաբը պնդում է, որ ռուսական կողմին չի հաջողվել կատարել Կիևը շրջափակելու, Դոնեցկի և Լուգանսկի մարզերի վարչական սահմաններին հասնելու և Ուկրաինայի ձախափնյա հատվածի նկատմամբ վերահսկողություն սահմանելու խնդիրները։
ԳՇ-ի փոխանցմամբ՝ Դոնեցկի ուղղությամբ ռուսական կողմը «մասամբ հասել է նպատակին և կանգնեցվել Նիկոլաևի ուղղությամբ»։
Ուկրաինայի ռազմական գերատեսչությունը նշում է, որ ռուսական կողմը փորձել է գրավել Սևերոդոնեցկ, Ռուբիժնե և Պոպասնա բնակավայրերը։
«Սևերոդոնեցկի ուղղությամբ հակառակորդը հարձակման փորձ է ձեռնարկել, ձախողել, կրել մեծ կորուստներ և նահանջել։ Ռուբիժնեի տարածքում նա հրետանու աջակցությամբ շարունակում է դիրքավորվել քաղաքի արևմտյան և հյուսիսարևմտյան հատվածներում ու վերախմբավորվել և հաջողություն չի գրանցել»,- ասվում է գերատեսչության հաղորդագրության մեջ։
