azatutyun.am: Ճապոնիայում Շիզուոկայի վարչական շրջանի Ատամի ավանում հորդառատ անձրևների առաջացրած սողանքի հետևանքով զոհվել է 4 մարդ, ևս 24 բնակիչ համարվում է անհետ կորած:
Տեղակալ մամուլի համաձայն, անձրևներից զատ սողանքի առաջացմանը նպաստել են բնակելի թաղամասի կառուցման ընթացքում արձանագրված կոպիտ խախտումները, մասնավորապես, շենքերի հիմքերում ոչ պիտանի նյութերի օգտագործումը:
Ատամիում բնակվում 37 հազար մարդ: Սողանքից ավերվել է 130 տուն և շինություն: Բնակիչներից շատերը պահանջում են հետաքննել վթարի հանգամանքները:
Փրկարարները շարունակում են որոնողական աշխատանքը: Մինչդեռ, ենթադրվում է, որ առաջիկա օրերին անձրևները չեն դադարի:
