Արցախում հաշվառված քաղաքացիներին տրամադրվող աջակցության առաջին և երկրորդ ծրագրերի դիմումների ընդունման ժամկետը երկարաձգվել է մինչև 2021 թ․ հունվարի 11-ը։

Հայկական միասնական տեղեկատվական կենտրոնը նշում է, որ դեկտեմբերի 22-ի դրությամբ՝ աջակցության առաջին ծրագրով հաստատված դիմումների թիվը 93,385 է․ դիմողներից 82,481-ն աջակցությունն արդեն ստացել է։

Արցախի վերահսկողությունից դուրս մնացած համայնքներում հաշվառված բնակիչներին տրվող 300,000 դրամ աջակցության ծրագրով հաստատվել է 28,022 դիմում։

Երկու ծրագրի շրջանակում էլ աջակցության վճարման գործընթացը շարունակվում է։