ՀՀ վարչապետի մոտ այսօր քննարկվել են ոստիկանության ոլորտի բարեփոխումների ուղղությամբ առաջիկա անելիքները:
Ողջունելով ներկաներին՝ վարչապետն ասել է.
«Դատաիրավական ոլորտի բարեփոխումները մեր այս տարվա կարեւորագույն անելիքների մեջ են, եւ այդ համատեքստում ոստիկանությունում կատարվող փոփոխությունները նույնպես անչափ կարեւոր են:
Մեր օրակարգում է առաջիկայում ներքին գործերի նախարարության կազմավորման գործընթացը, զուգահեռ մենք սկսել ենք, եւ այս տարի արդեն պետք է շոշափելիորեն մեկնարկի պարեկային ծառայության գործընթացը Հայաստանում»:
Ըստ Փաշինյանի՝ այս ծրագիրը, ցավոք, ընդհատվել էր պատերազմի պատճառով, եւ այժմ այն պետք է շարունակվի:
