aliq.ge: Վրաստանի Կենտրոնական ընտրական հանձնաժողովի շենքի դիմաց այսօր կրկին բողոքի ակցիա է ընթանում: Այս անգամ ցույցի կազմակերպիչները «Շեցվալե» (փոխիր) շարժման անդամներն են: Վերջիններս պահանջում են պատասխանատվության ենթարկել ԿԸՀ նախագահ Թամար Ժվանիային:
«Մեր հիմնական պահանջն է, որ ընտրությունների արդյունքները չճանաչվեն: Այս արդյունքները Թամար Ժվանիայի կազմակերպածն են, ու նա է պատասխանատու կեղծված ընտրությունների համար: Մենք ամենօրյա ռեժիմով բողոքելու ենք այնքան, մինչև մեր պահանջները չբավարարվեն»,- հայտարարել է կազմակերպիչներից մեկը:
Նա նշել է, որ Կենտրոնական ընտրական հանձնաժողովը արդար միջավայրում ընտրություններ անցկացնելու փոխարեն «կեղծման բյուրո» է դարձել:
