ԱԺ-ն տվեց իր համաձայնությունը Գագիկ Ծառուկյանին ազատությունից զրկելու մասին գլխավոր դատախազի միջնորդագրին։ Քվեարկությանը մասնակցած բոլոր 87 պատգամավորները քվեարկել են կողմ։ Այս մասին Ազգային ժողովում տեղի ունեցած փակ քվեարկությունից հետո ասաց Հաշվիչ հանձնախմբի ղեկավար Վահագն Հովակիմյանը։
Հիշեցնենք, որ Խորհրդարանի ընդդիմադիր խմբակցությունները՝ «Բարգավաճ Հայաստանը» և «Լուսավոր Հայաստանը» չեն մասնակցել քվեարկությանը։ «Իմ քայլը» խմբակցության պատգամավորներից նիստին չի մասնակցել միայն Սասուն Միքայելյանը, ըստ խմբակցության ղեկավար Լիլիթ Մակունցի՝ վերջինս վատառողջ է։
