Այսօր ԱԺ պատգամավոր Սերգեյ Բագրատյանն ԱԺ նախագահին ուղղված իր գրությամբ տեղեկացրել է, որ դուրս է գալիս «Բարգավաճ Հայաստան» խմբակցությունից:
Բագրատյանի հետ կապ հաստատել չհաջողվեց, իսկ խմբակցության քարտուղար Արման Աբովյանը Infocom.am-ի հետ զրույցում ասաց, որ չգիտի, թե ինչ պատճառով է գործընկերը դուրս եկել խմբակցությունից։
«Ճիշտն ասած՝ չգիտեմ, որովհետև պատճառներից տեղյակ չեմ։ Կարծում եմ՝ ճիշտ կլինի, որ հարցը պարզաբանի անմիջապես պարոն Բագրատյանը»։
Հարցին, թե արդյոք քննարկվե՞լ է Բագրատյանի պատգամավորական մանդատը վայր դնելու հարցը, Աբովյանը պատասխանեց, որ նման քննարկում չի եղել։
