armenpress.am: Ֆուտբոլի եվրոպական ասոցացիան` ՈՒԵՖԱ-ն, հերքում է լուրերն այն մասին, որ Առողջապահության համաշխարհային կազմակերպությունը հորդորել է եվրագավաթային խաղերը վերսկսել միայն 2021 թվականին:
Այս մասին գրում է ՈՒԵՖԱ-ի մամուլի ծառայությունը: Ավելի վաղ տեղեկություն տարածվեց, ըստ որի` Առողջապահության համաշխարհային կազմակերպությունը եվրոպական ֆուտբոլային ասոցիացիային հորդորում է ավարտին հասցնել միայն ներքին առաջնությունները, իսկ Եվրոպայի և Չեմպիոնների լիգայի խաղարկությունները սկսել միայն 2021 թվականից:
Կորոնավիրուսի պանդեմիայի պատճառով մարտից դադարեցված են եվրոպական բոլոր առաջատար առաջնությունները: Ըստ ամենայնի, թիմերը մարզումային փուլը կսկսեն մայիսից, իսկ առաջնությունները կարող են վերսկսվել մայիս ամսվա վերջին:
