Երեկ ՄԱԿ Գլխավոր ասամբլեան միաձայն ընդունել է բանաձև։ Նշելով կորոնավիրուսի պանդեմիայով պայմանավորված աննախադեպ հետևանքների մասին՝ կազմակերպությունը կոչ է անում ուժեղացնել միջազգային համագործակցությունը՝ թուլացնելու ու հաղթահարելու կոնորավիրուսը։
Բանաձևով ՄԱԿ-ը վերահաստատում է միջազգային համագործակցության շրջանակներնում իր վրա վերցրած պարտավորվածություններն ու ՄԱԿ կառույցների առանցքային դերը կորոնավիրուսի պանդեմիայի դեմ տարվող պայքարում։
Առաջարկվում է, որ ՄԱԿ Գլխավոր քարտուղար Անտոնիո Գուտերեսն առաջնորդի և համակարգի անցկացվելիք համաշխարհային միջացառումները։
Բանաձևը նշում է այն հսկայական վնասները, որոնք կորոնավիրուսի պատճառով կրում են աշխարհի բոլոր երկրների հասարակություններն ու տնտեսությունները, տուրիզմն ու առևտուրը, այն ավերիչ վնասները, որոնք վարակը հասցրել է մարդկանց կենսակերպին, առավել ևս երբ խոսքը գնում է ամենաաղքատ ու խոցելի խմբերի մասին, որոնց կյանքը շատ ավելի մեծ վնասներ է կրել։
Բանաձևը նաև ընդգծում է, որ պանդեմիայի պայքարի ժամանակ պետք է պահպանվեն մարդու իրավունքներն, ու բացառվի խտրականության, ռասիզմի ու քսենոֆոբիայի որևէ դրսևորում։
Աղբյուրը՝ usnews.com:
Թարգմանությունը՝ Լիլիթ Հարությունյանի
