ermenihaber.am։ Թուրքիայի զինված ուժերում ծառայող 70 զինվորականի նկատմամբ «Ֆեթհուլլահական ահաբեկչական խմբավորման» (FETÖ) հետ կապի կասկածանքով ձերբակալման որոշում է կայացվել։
FETÖ-ի դեմ ընթացող հետաքննության շրջանակներում Անկարայի գլխավոր հանրապետական դատախազությունը որոշել է ձերբակալել օդուժում ծառայող 20 զինվորականի։
Իսկ Քոնյայի գլխավոր հանրապետական դատախազությունը նմանատիպ որոշում է կայացրել թուրքական զինուժի 50 ներկայացուցչի վերաբերյալ։ Կասկածյալների թվում կան նախկին և ներկա սպաներ (լեյտենանտներ, փոխգնդապետներ)։
Կասկածյալների հայտնաբերման և ձերբակալման նպատակով ահաբեկչության և կազմակերպված հանցագործությունների դեմ պայքարի ստորաբաժանումներն Անկարա, Դիարբեքիր, Բուրսա, Քոնյա, Ստամբուլ, Բալըքեսիր և մի շարք այլ նահանգներում միաժամանակյա գործողություններ են իրականացրել։
