Ազգային ժողովրդավարական բևեռն այսօր ջահերով երթ իրականացրեց դեպի Հայաստանում ՌԴ դեսպանատուն։ Ակցիայի կազմակերպիչները մեկնաբանեցին, որ իրենք գնում են դեպի ՌԴ դեսպանատուն, քանի որ, իրենց կարծիքով, «թշնամական Ռուսաստանն է հեղինակել նոյեմբերի 9-ի կապիտուլյացիայի համաձայնագիրը»։
Երթի մասնակիցները ջահերով ուրվագծեցին ՀՀ-ի և Արցախի 1994թ. սահմանը։ ԱԺԲ հաջորդ հանրահավաքը տեղի է ունենալու նոյեմբերի 26-ին, Ազատության հրապարակում։
Երթի մասնակիցները վանկարկումներով մեղադրանքներ հնչեցրին Ռուսաստանի Դաշնության հասցեին՝«Նախիջևանի, Արցախի կորստի, կապիտուլյացիա պարտադրելու, Նժդեհի դեմ պայքարի» և այլ հարցերի վերաբերյալ։
Լուսանկարները՝ ԱԺԲ-ի։
