ԹԱՐՄԱՑՈՒՄ (15։10)
ԱԻՆ-ից խնդրեցինք հայտնել, թե Երևանի ու մարզերի բնակիչներն ինչպես կարող են տեղեկանալ, թե որտեղ են իրենց ապաստարանները, և ինչպես հասնել այնտեղ։ ԱԻՆ խոսնակ Հայկ Կոստանյանը նշեց․ «Այդ ինֆորմացիային տիրապետում են ՏԻՄ-երը, համայնքները, նրանք են էդ ինֆորմացիան փոխանցում քաղաքացիներին։ Մենք մի քանի օր առաջ գրություն ենք ուղարկել իրենց, որ իրենք այդ գործընթացն իրականացնեն»։
Ճշտող հարցին՝ երբ քաղաքացիները չգիտեն, թե որտեղ է իրենց ապաստարանը, պետք է համայնքապետարան դիմե՞ն, ԱԻՆ խոսնակը պատասխանեց՝ այո։
Քաղաքացիական պաշտպանության պաշտպանական կառույցները (պատսպարաններ) թաքստոցներ են, որոնք նվազեցնում են հարվածային ալիքի ուժգնությունը: Այդ կառույցների կարևորությունն է՛լ ավելի է զգացվում պատերազմական պայմաններում:
Պատսպարանների բարեկարգման ծրագրեր են իրականացվում հանրապետության ամբողջ տարածքում:
Բնակչության պատսպարման հաշվարկումն իրականացնում է համայնքների ղեկավարությունը: Ամբողջ տեղեկատվությունն ամփոփվում է, ուղարկվում՝ Երևան քաղաքի և մարզային փրկարարական վարչություններ:
Արտակարգ իրավիճակների նախարարի և փրկարար ծառայության տնօրենի հանձնարարականներով՝ ԱԻՆ փրկարար ծառայության հրշեջ-փրկարարական ջոկատներից կազմված խումբը տեղական ինքնակառավարման մարմինների (ՏԻՄ) աշխատակիցների ուղեկցությամբ պարբերաբար իրականացնում է բազմաբնակարան շենքերի, մասնավոր տների և նկուղների ուսումնասիրություն:
Արտակարգ իրավիճակների նախարարությունը կազմակերպում է թեմատիկ վարժանքներ:
Լուսանկարում են տարածքը, վիճակի մասին տեղեկացնում վերադասին, նրանք էլ, իրենց հերթին, իրավիճակը ներկայացնում ՏԻՄ-երին՝ առկա թերությունները վերացնելու համար:
Որպես պատսպարան ծառայում են նաև մետրոպոլիտենի կայարանները, գետնանցումները, դպրոցների ու մանկապարտեզների նկուղային հարկերը:
Բնակչության իրազեկումը կատարում են ՏԻՄ-երը:
Արտակարգ իրավիճակների նախարարությունը կազմակերպում է թեմատիկ վարժանքներ:
