hetq.am: Երևան քաղաքի ընդհանուր իրավասության դատարանը, նախագահությամբ դատավոր Վաչե Մարգարյանի, այսօր քննում է Սերժ Սարգսյանի եղբոր՝ Լևոն Սարգսյանի գույքի վրա կալանք դնելու քննիչի որոշման դեմ նրա պաշտպանի բողոքը:
Նիստի մեկնարկին մեղադրող դատախազը միջնորդեց դռնփակ քննել բողոքը՝ նկատի ունենալով, որ Սարգսյանի գործը դեռևս նախաքննական փուլում է գտնվում, և դրա ընթացքում կարող է անհրաժեշտություն առաջանալ նախաքննական նյութերին հղում կատարելու: Պաշտպանական կողմը նշեց, որ նմանատիպ բողոքը դռնփակ քննելու իրավակալ մեխանիզմ չկա: Տևական ընդմիջումից հետո դատարանը, վերսկսելով նիստը, որոշեց բողոքը դռնփակ քննել:
Նշենք, որ Սարգսյանը մեղադրվում է ապօրինի հարստացման և հայտարարագրման ենթակա գույքը թաքցնելու մեջ, և այս գործի շրջանակներում քննիչի որոշմամբ նրա գույքի վրա կալանք է դրվել:
