Էկոնոմիկայի նախարարությունը Սննդի անվտանգության տեսչական մարմնի և մյուս գործընկերների հետ քայլեր է ձեռնարկում՝ կարգի բերելու խոշոր եղջերավոր կենդանիների մորթի ենթակառուցվածքը և ապահովելու, որ խանությում վաճառվող միսը լինի սպանդանոցում մորթված։ Այս մասին կառավարության նիստից հետո՝ լրագրողների հետ զրույցում ասաց Էկոնոմիկայի նախարար Վահան Քերոբյանը։
«Այդ առումով մենք վերջին երկու շաբաթը ամենօրյա և ինտենսիվ ստուգումներ ենք իրականցնում և համարյա ամեն օր ունենք արձանագրություններ։ Հիմա մենք ձեռնամուխ ենք եղել այդ կագավորումների խստացմանը, որպեսզի մենք ոչ միայն արգելենք մսի վաճառքը, այլ տնտեսավարողը իսկապես ցավ զգա՝ օրենքները և ստանդարտները խախտելու համար»։
