aysor.am։ Վարչական դատարանի որոշումը, որով Բարձրաստիճան պաշտոնատար անձանց էթիկայի հանձնաժողովը պարտավոր է ոչնչացնել Սերժ Սարգսյանի թիկնազորի նախկին պետ Վաչագան Ղազարյանի ունեցվածքի հայտարարագրերը, կարող է ազդել նրա նկատմամբ հարուցված քրեական գործի վրա:
Նման տեսակետ հայտնեց նրա փաստաբան Արմեն Հարությունյանը:
«Չի բացառվում, իհարկե, կարող է ազդել», – ասաց փաստաբանը՝ նշելով, որ շտապում է ու չի կարող բացատրել՝ ինչպես։
Վարչական դատարանում Վաչագան Ղազարյանի ներկայացուցիչ, փաստաբան Մհեր Հակոբյանը հստակեցրեց՝ Վարչական դատարանի որոշումն, ըստ էության, հաստատում է վերջերս Սահմանադրական դատարանի որոշումը, որի համաձայն Վաչագան Ղազարյանի ունեցվածքի, եկամուտների հայտարարագրերին Բարձրաստիճան պաշտոնատար էթիկայի հանձնաժողովն ապօրինի է տիրացել ու տարածել:
«Դատարանն, ըստ էության, որոշեց, որ այն հայտարարագրերը, որոնք Վաչագան Ղազարյանի նկատմամբ քրեական գործ հարուցելու հիմքում են դրվել, Բարձրաստիճան պաշտոնատար անձանց էթիկայի հանձնաժողովը ապօրինի է ձեռք բերել», – ավելացրեց Մհեր Հակոբյանը:
Շարունակությունը՝ aysor.am
