Կառավարությունը այսօր որոշեց Գորիսի և Տեղ համայնքների, ինչպես նաև Խնձորսկ գյուղի որոշ հողամասեր ամրացնել ՀՀ ազգային անվտանգության ծառայությանը։
Ըստ նախագծի հիմնավորման՝ 2020 թվականի նոյեմբերի 9-ի եռակողմ հայտարարությամբ պայմանավորված անհրաժեշտություն է առաջացել ամրացնել ՀՀ հարավ-արևելյան սահմանները, որի նպատակով առանձնացվել են անհրաժեշտ հողամասեր։
«Նախագծի ընդունման անհրաժեշտությունը պայմանավորված է Հայաստանի Հանրապետության հարավ-արևելյան սահմանների պաշտպանության ամրապնդմամբ։ Նախագծի ընդունմամբ ՀՀ-ն Գորիս և Տեղ համայնքների կողմից կընդունի համապատասխանաբար՝ 0.15297 հա և 0.6 հա հողամասերը և պաշտպանական նպատակներով նշված հողամասերն ու պետական սեփականություն հանդիսացող Խնձորեսկ գյուղի 37-րդ փողոցի 124 հասցեում գտնվող 0.3201 հա հողամասը կամրացվեն ՀՀ ազգային անվտանգության ծառայությանը»։
