Ազգային ժողովը այսօր երկրորդ ընթերցմամբ և ամբողջությամբ ընդունեց «Դատական օրենսգիրք» սահմանադրական օրենքում փոփոխություններ և լրացումներ կատարելու նախագիծը։
Ըստ օրինագծի՝ մինչև 15 տարվա վաղեմություն ունեցող Մարդու իրավունքների եվրոպական դատարանի (ՄԻԵԴ) վճիռներով բացահայտված խախտումներով դատավորի նկատմամբ կարող են հարուցվել կարգապահական վարույթներ։
Նախագիծը ներկայացնելիս արդարադատության փոխնախարար Գրիգոր Մինասյանը պարզաբանել էր, որ վարույթ կարող է հարուցվել նաև ՄԻԵԴ-ի այն վճիռներով, որոնք կայացվել են մինչև օրենսգրքի այս փոփոխությունը։
