hetq.am: Արմավիրի մարզի թիվ 5 հիմնական դպրոցում դասադուլ է: Դպրոցի աշակերտները հավաքվել են մարզպետարանի շենքի դիմաց և վանկարկում են դպրոցի տնօրեն Մաշա Իվանյանի անունը:
Երեկ կայացել է դպրոցի տնօրենի ընտրություն, որը, սակայն, ըստ դպրոցի ծնողկոմիտեի նախագահի, եղել է ուղղորդված: Միակ թեկնածուն եղել է դպրոցի գործող տնօրեն Մաշա Իվանյանը, սակայն կառավարման խորհրդի 5 անդամները դեմ են քվեարկել, եւ նա չի ընտրվել: Դեմ քվեարկողներից մեկը եղել է ծնողների ներկայացուցիչը, ով վերջին պահին փոխել է դիրքորոշումը: Ծնողներն ասում են, որ նրա նկատմամբ ճնշում է գործադրել սկեսրայրը` Արմավիրի փոխքաղաքապետ Խաչիկ Մկրտյանը:
