tert.am: Ազատության հրապարկում այսօր ակցիա են իրականացնում «Քայլ արա՛, պաշտպանի՛ր դրսի կենդանիներին» նախաձեռնության անդամները:
Ակցիան կրում էր «Պահանջում ենք քրեական պատասխանատվություն դաժան վերաբերմունքի համար» խորագիրը: Ակցիայի նախաձեռնողներից մեկը ԱԺ ԲՀԿ խմբակցության պատգամավոր Նաիրա Զոհրաբյանն է:
Նրանց խոսքով՝ ՀՀ-ում կենդանիների նկատմամբ դաժան վերաբերմունքի դեպքեր են լինում, սակայն իրականացնողները պատասխանատվության չեն ենթարկվում՝ չկա մեխանիզմ, որով հնարավոր կլինի բացառել նման դեպքերը:
Ակցիայի մասնակիցներն ընդգծեցին, որ տեղյակ են, որ խնդրի մասով օրենսդրական կարգավորում պիտի լինի. նախագիծ կա, և կառավարությունը հորդորել է այն լրամշակել:
