factor.am: Երևանի ընդհանուր իրավասության դատարանի Շենգավիթի նստավայրում այսօր պետք է կայանար կաշառքի մեղադրանքով Ռոբերտ Քոչարյանի ու Արմեն Գևորգյանի գործով դատական նիստը, սակայն Ռոբերտ Քոչարյանը կրկին չէր ներկայացել դատական նիստին։

Ռոբերտ Քոչարյանի պաշտպան Հովհաննես Խուդոյանը դատարանին ներկայացրեց բժշկական տեղեկանքը, համաձայն որի` Քոչարյանը վատառողջ է և նրա բուժումը պետք է շարունակվի ևս 3-5 օր։

Դատավոր Աննա Դանիբեկյանը տեղեկացրեց նաև, որ դատարանն ստացել է «Հայաստան» խմբակցության պատգամավոր Արմեն Գևորգյանի միջնորդությունը երկրից ժամանակավորապես բացակայելու վերաբերյալ, որը կքննարկվի հաջորդ նիստին։

Հաշվի առնելով Ռոբերտ Քոչարյանի բացակայությունը՝ դատական նիստը հետաձգվեց մինչև ապրիլի 19-ը։