Ռուսաստանը ոչ բարեկամ երկրներին գազի մատակարարումների դիմաց վճարումը կփոխարինի ռուբլով։ Այս մասին հայտարարել է ՌԴ նախագահ Վլադիմիր Պուտինը։
«Մեզ համար արդեն անիմաստ է մեր ապրանքները հասցնել Եվրամիություն, Միացյալ Նահանգներ և վճարումներ ստանալ դոլարով, եվրոյով ու այլ արժույթներով: Այդ իսկ պատճառով որոշում է կայացվել իրականացնել մի շարք միջոցառումներ․ սկսենք նրանից, որ, այսպես կոչված, ոչ բարեկամ երկրներին մատակարարվող մեր բնական գազի դիմաց վճարումը փոխարինվի ռուսական ռուբլով»,- ասել է նա։
Նա նաև ընդգծել է, որ մատակարարումները կշարունակվեն պայմանագրերով նախատեսված ծավալներին և գներին համապատասխան։
