«Patriot» ՀՕՊ համակարգը սկսել է ՆԱՏՕ երկրներից Սլովակիա ժամանել, և առաջիկա օրերին կշարունակվի համակարգի տեղակայումը երկրում։ Այս մասին, ինչպես փոխանցում է «Reuters»-ը, հայտնել է Սլովակիայի պաշտպանության նախարարը։

Համակարգը կգործարկեն գերմանական և հոլանդական զորքերը։ Այն սկզբում կտեղակայվի Սլովակիայի կենտրոնական Սլիակ օդանավակայանում՝ ՆԱՏՕ արևելյան թևի պաշտպանությունն ուժեղացնելու համար։

Նախարարը նշել է, որ «Patriot» համակարգը լրացնում և ոչ թե փոխարինում է խորհրդային ժամանակաշրջանի S-300 համակարգերը, որոնք գործարկում է Սլովակիան։

Նա անցած շաբաթ հայտարարել էր, որ Սլովակիան պատրաստ է Ուկրաինային տրամադրել S-300-ը, երբ ստանա համապատասխան փոխարինում։