Ռուսաստանի զինված ուժերի «Bastion» առափնյա հրթիռային համակարգը ոչնչացրել է Ուկրաինայի Զինված ուժերի ռադիո և ռադիոտեխնիկական հետախուզության կենտրոնները Օդեսայի մարզում։ Այս մասին հերթական ճեպազրույցի ժամանակ հայտարարել է ՌԴ ՊՆ պաշտոնական ներկայացուցիչ Իգոր Կոնաշենկովը, փոխանցում է TACC-ը։
Նա նշել է, որ Ռուսաստանի զինված ուժերը «Կինժալ» ավիացիոն հրթիռային համակարգի գերձայնային հրթիռներով ոչնչացրել են զինամթերքի ստորգետնյա պահեստարան Իվանո-Ֆրանկովսկի շրջանում։
«Մարտի 19-ի գիշերը ռուսական ավիացիան Ուկրաինայում ոչնչացրել է չորս զենիթահրթիռային համակարգ, որոնցից երեքը` S-300: Ռուսաստանի զինված ուժերը Ուկրաինայում գործողության սկզբից ոչնչացրել են շուրջ 200 անօդաչու թռչող սարք և ավելի քան 1400 տանկ և այլ զրահատեխնիկա»,- նշել է Կոնաշենկովը։
Լուսանկարում՝ «Կինժալ» թեւավոր հրթիռի արձակում / ՌԴ ՊՆ, արխիվ
