Իտալիայից առնվազն երեք տարի կպահանջվի Ռուսաստանից ներկրվող գազն էներգիակիրների այլ աղբյուրներով ամբողջությամբ փոխարինելու համար։ Այս մասին, ինչպես փոխանցում է «Reuters»-ը, ասել է Իտալիայի բնապահպանական հարցերի նախարար Ռոբերտո Չինգոլանին։

Ելույթ ունենալով Իտալիայի Սենատի Վերին պալատում՝ Չինգոլանին ասել է, որ ռուսական գազի ամբողջական փոխարինումը «հնարավոր է նվազագույնը երեք տարվա ընթացքում»:

Նա ռուսական գազը փոխարինելու ուղղությամբ մի շարք միջոցառումներ է նշել։

Չինգոլանին խոսել է Ալժիրից գազի ներկրումը 9 մլրդ խորանարդ մետրով ավելացնելու հնարավորության, ինչպես նաև ածուխով և նավթով աշխատող ջերմաէլեկտրական արտադրության ավելացման մասին ինչով կարող է փոխարինվել 3-4 մլրդ խմ գազ։