Մարիուպոլում օրվա ընթացքում Ուկրաինայի Ազգային գվարդիայի հատուկ նշանակության առանձնակի գումարտակի մարտիկները ոչնչացրել են բարձր պաշտպանվածության «Тайфун» զրահամեքենա եւ այլ տեխնիկա, ինչպես նաեւ թշնամու հետեւակ, այդ թվում՝ 17 հատուկ ջոկատային։ Ինչպես փոխանցում է Ուկրինֆորմը, այս մասին հայտնել է Ուկրաինայի ներքին գործերի նախարարությունը։
«Ուկրաինական Մարիուպոլի համար մարտերը շարունակվում են՝ չնայած նրան, որ քաղաքը պաշարված է։ Քաղաքի պաշտպանները շարունակում են կռիվը յուրաքանչյուր քաղաքացու համար՝ չնայած թշնամին փորձում է գրավել քաղաքը»,- ասված է հաղորդագրության մեջ։
