Ուկրաինայի՝ գազի փոխանցման համակարգի օպերատորը տեղեկացնում է, որ Ուկրաինայում և Եվրոպայում գազի փոխադրման վտանգ է առկա, փոխանցում է Unian-ը։
«Օպերատորը (ОГТСУ) հայտնում է ռուս զինվորականների և «ԼԺՀ» («Լուգանսկի Ժողովրդական Հանրապետության») զինված խմբավորումների կողմից Լուգանսկի մարզի Նովոպսկովի կոմպրեսորային կայանների տարածք, Խարկովի մարզի Կուպյանսկի տարածք մուտք գործելու, ինչպես նաև գազի փոխանցման համակարգի օբյեկտների աշխատանքին միջամտելու փորձերի մասին»,- ասվում է օպերատորի հայտարարությունում։
Ընկերությունը նշում է, որ այս միջամտությունը էական ռիսկեր է ստեղծում Ուկրաինայում և Եվրոպայում սպառողներին գազի շարունակական մատակարարման անվտանգության համար և կարող է հանգեցնել տարածաշրջանում տեխնոլոգիական աղետի։
