Բելառուսին ուզում են ներքաշել պատերազմի մեջ, որպեսզի մենք անպաշտպան թողնենք մեր սահմանները։ Այս մասին այսօր հայտարարել է Բելառուսի նախագահ Ալեքսանդր Լուկաշենկոն, հայտնում է TACC-ը։
«Դուք տեսնում եք՝ նրանք ուզում են մեզ ներքաշել պատերազմի մեջ, հատուկ այն բանի համար, որ մենք անպաշտպան թողնենք մեր սահմանները»։
Նախագահի խոսքով՝ Բելառուսի իշխանությունները պարզել են այդ ծրագրերը։ Լուկաշենկոն հայտարարել է, որ հակառակորդի կողմից շատ ստեր կլինեն։ «Մենք գիտենք, թե նրանք ինչ են ուզում։ Մենք դրան պատրաստ ենք, մենք կկռվենք ու կզոհվենք ձեզ համար մեր հողի վրա, համոզված եղեք դրանում»։
